Mange dyr på båttur manglar redningsvest

Berre halvparten av dei som har med kjæledyret sitt på båttur brukar konsekvent redningsvest på dyret, går det fram av ei ny undersøking.

– Sjølv om mange hundar er gode symjarar, kan dei få panikk dersom dei fell over bord, og dei kan raskt bli utmatta og nedkjølte. Det kan også vere vanskeleg å finne igjen og løfte ein hund som ligg i vatnet, og vi tilrår derfor å velje vest med handtak på ryggen slik at hunden kan heisast om bord dersom han hamnar i sjøen, seier Hasse Lindmo, direktør for kommunikasjon i Redningsselskapet, til Båtmagasinet.

Undersøkinga er utført via den nettbaserte tenesta YouGov på vegner av dyrebutikkjeda Musti.