Mange bryt lova ved bustadsal

Det er ikkje lov å krevje at kjøparen inngår straumavtale ved overtaking av bustad eller ved signering av kontrakt. Likevel skjer akkurat det ofte.

I dag er det vanleg at forbrukarar som skal overta ein bustad må inngå, eller får tilbod om å inngå, ein straumavtale når dei skal signere bustadovertakingsprotokollen eller kontrakten.

I enkelte av bustadovertakingsprotokollane Forbrukartilsynet er kjent med, er det å velje straumavtale eit obligatorisk punkt for at protokollen skal kunne signerast.