Kommunedirektør Yngve Folven Bergesen i Vindafjord.
Arkivfoto: Jon Edvardsen
Må ut på ni folkemøte etter jul
Kommunedirektør Yngve Folven Bergesen la ein plan om tre folkemøte for at folket skal kome til orde i skulestriden. I dag gav formannskapet han i oppdrag om å invitere til opne møte i alle bygdene i Vindafjord.
Det betyr at han har fått marsjordre om ni folkemøte for at flest mogleg i bygdene skal kome til orde før kommunedirektøren presenterer forslag til eventuell endring for skular og barnehagar i kommunen.
Folkemøta må basere seg på Norconsult sin rapport om skular og barnehagar.
Der går konsulentane inn for å avvikle skulane i seks bygder, og setje kroken på døra for fire kommunale barnehagar.
