Må halda elevar heime: — Ikkje ein ønskeleg situasjon
Kommunalsjef Mona Sævik Rasmussen i Etne kommune er ærleg på at det for tida er det så høgt sjukefråvær på Enge skule at nokon har heimeskule denne veka.
Kommunalsjefen med ansvar for oppvekst og kultur seier at det er tilfeldige omstende som gjer at dei eldste klassene nokre dagar denne veka har heimeskule.
— Når slikt er planlagt går det heilt fint å gjera det, om enn det ikkje er ein ønskeleg situasjon. Dessutan må ein passa på å ikkje misbruka det, seier Sævik.
Annonse
Heilt konkret er det 8. klasse som er heime onsdag, men fleire av dei eldste klassane er òg utsette.
Sævik seier at det er ei viss opphoping av uheldige omstende, og at det no blei for mykje å handtera på ein gong.
— Me er opptatt av å gi elevane gode skuledagar, og ser at i dette tilfellet vil det vera ein betre tilpassing i skuledagen når det blir organisert som heimeskule, seier ho.
Det er ikkje alltid like lett å flytta rundt på folk, seier skulesjefen, og å finna vikarar er heller ikkje alltid enkelt. Det er uheldige samantreff, men alle fråværa skal vera forståelege.
Annonse
— Totalt sett har ikkje Enge skule eit spesielt høgt gjennomsnittleg fråvær av tilsette, seier Mona Rasmussen Sævik.
Sjølv om situasjonen akkurat no har kjente årsaker, seier Sævik at dei i prinsippet er sårbare og at ho derfor har fokus på å sikra seg best mogleg mot slike tilfeldige forhold.
