Nettselskapet Fagne startet i 2023 arbeidet med å byggja ei 36 km ny kraftlinje frå Ølen via Våg til Bratthammar i Vindafjord og vidare til Tysvær kommune.
Første del av den nye linjetraseen frå Ølen til Våg er ferdig og blei straumsett for nokre veker sidan og nå er neste etappe under arbeid. Hovudentreprenør for utbygginga er Kraftmontasje og ein god del av arbeidet med linja blir utført med helikopter. Jobben med å frakta vekk gamle master, montera nye og frakta inn betong for mastefundamenta er det helikopterselskapet Airlift som tek seg av, og når vêret tillet det startar pilotane opp flymaskina og set kursen rett til vers. Ein av dei som set bak spakane på helikoptermaskina er Dan Strand Jensen (47), tidlegare skåneviksbu, nå busett i Vats.
— Dette er eit kjekt yrke, og når sola skin og det er vindstille er det heilt fantastisk, seier helikopterpilot Dan og gjer seg klar til ein ny arbeidsdag på kraftlinja.
