Dei folkevalde på bystyremøte i Oslo rådhus har mindre makt enn forgjengarane sine, ifølge ny rapport.
Foto: Stian Lysberg Solum / NTB / NPK
Lokalpolitikarane har fått mindre makt
Mens kommunedirektørar landet rundt dei siste tjue åra har fått bestemme meir over pengebruken, har lokalpolitikarane mista tilsvarande økonomisk makt, viser ny rapport.
– Det har skjedd eit tydeleg skifte i kven som har makt over budsjettprosessen i norske kommunar.
Det seier seniorforskar Sveinung Legard ved By- og regionforskingsinstituttet NIBR på OsloMet til Forskning.no
Han er ansvarleg for den nye utgåva av Organisasjonsdatabasen
, som mellom anna viser at i 82 prosent av norske kommunar er det administrasjon og kommunedirektør som kontrollerer budsjettprosessen.
