Lokalhistorikar til Åkrafjorden

Tidlegare ordførar i Ølen – kjem på Frukost ved fjorden» på Åkrafjordtunet komande onsdag. Men Anders Haugland er like mykje kjend som ein framifrå historikar. Han har vore sjef for seks interessante og spennande band av Skåneviksoga. Men på Åkrafjordtunet skal han ta føre seg ei spennande historie frå Bjoa i Vindafjord kommune.

I 1929 sat ein eldre mann og skreiv ned ei oppleving i barndommen, då han og nokre andre smågutar hadde leika seg i tuftene etter den gamle kyrkja i Ølen. På leit etter noko spennande under kyrkjegolvet hadde gutane kome over ein prest med hud og hår i full prestedrakt, krage og kjole.

Kven var denne presten? Sjølv trudde mannen at det var den såkalla Roa-presten – han som folket heldt av og trudde var ein heilag mann, han som tala så sterkt at Vårherre steig ned frå himmelen og biskopen måtte gripa inn. Eller var det ein annan prest som låg der under kyrkjegolvet – og ein heilt annan skapning som hadde vist seg ute på fjorden?