Lokal auke i svindelforsøk

I ei pressemelding åtvarar bank og politi mot sommarsvindel. Når skuldrene senkar seg og folk tek ferie, slår også svindlarane til. SpareBank 1 Sør-Norge og Sør-Vest politidistrikt melder om ei auke i svindelforsøk, og ber både privatpersonar og bedrifter om å vera ekstra på vakt i sommar.

— Det er same trenden her lokalt som i resten av landet. Sommartid er høgtid for svindelforsøk, og me ser ei auke både i talet på forsøk og tilfelle der folk faktisk har blitt svindla lokalt, seier Magne Christiansen, banksjef i SpareBank 1 Sør-Norge.

Han fortel at både SMS, e-post og nettsvindel er i omløp, og at fleire ulike aktørar prøver seg no i ferietida.