Ole Magnus Helgevold er gjest i Grannar-podden
poddenFOTO: Grethe Hopland Ravn
Grannar-podden
Lever i mørket – ser lyst på livet
Ole Magnus Helgevold (48) har vore blind sidan han blei fødd, og i beste fall kan han skimta små sekund av sollys før det blir mørkt igjen. Likevel ser han lyst på livet, og er utstyrt med eit vinnande vesen og ein god porsjon sjølvironi.
Dagens gjest i Grannar-podden er Ole Magnus Helgevold frå Sandeid, og han var ein smule spent då han møtte opp i studio for å ta ein prat med underteikna.
— Kjekt å sjå deg. Det var godt me kunne starta litt tidleg, for eg var litt smånervøs og sat berre på plassen min å stirra i taket, seier han spøkefullt då me møttest i ABC-studio før opptak.
Det er slik han er. Full av humor og humør, og det er ikkje vanskeleg å få samtalen til å flyta godt når ein pratar med Ole Magnus. Det er likevel ikkje alltid han har til hensikt å vera humoristisk når han seier kjekt å sjå deg» til folk. Det er jo det folk seier til kvarandre når dei treffest, og det har vore naturleg for Ole Magnus å seie det same.
