Kultur
Latter og jubel på Det store jubileet»
Ungdomslaget i Sandeid er no inne i sin 41. sesong med teaterdrift. I år fekk ein fullsatt sal på samfunnshuset sjå ein ny vri på det årlege teaterstykket til ungdomslaget. Tidlegare har det vore revyar, men denne gongen var det fleirtalet som bestemte at dei ville gå for ein kriminalkomedie, med døden som følgje.
Drap og forviklingar
Forfattarane Kirsti Hesjevik og Ann Kristin G. Edvardsen har laga stykket. Det var tolv lokale skodespelarar på scena, i alderen 20 til 83 år. Det store jubileet» handlar om ekteparet Ester og Jan Alvin. Ekteparet har vore gift i 25 år, og etter mykje om og men skal dei laga til jubileumsfest på Sandeid camping. Det oppstår mange intrigar undervegs. Blant anna blir advokat Høyer drepen, opptil fleire gonger, av fleire forskjellige gjerningspersonar. Den siste som drep han, er overfullmektig Jon Erik Vold, politi, spelt av Arve Mjølhus. Latteren stod høgt i salen då han slo døra rett i advokaten, slik at han døydde. Advokaten, eller liket som han òg vart kalla, låg opptil fleire gonger død på scena.
