Lærte om handtering av utfordrande situasjonar
Over 90 personar lærte om å meistra vanskelege situasjonar i møte med barn og unge i barnehage- og skule.
Kurs i teknikkar og teori for å møte barn og unge med utagerande åtferd blei halde tysdag ettermiddag for over 90 fagarbeidarar og assistentar i Vindafjord kommune.
— Lovverket er veldig strengt her. Fokuset var korleis ein kan halda seg innafor lova. Det blei vist teknikkar ein kan bruka for å verga seg sjølv og andre, seier Anita Jørstad Grindheim, som er barnehage- og skulesjef i Vindafjord kommune.
Annonse
Minikurset blei holdt av Georg Opsal som er inspektør ved Ølen skule.
Tett på barna
Den naudsynte samtalen» var også tema då barnevernsleiar Turid Askeland heldt føredrag.
— Her fekk dei læra om korleis ein kan ta opp vanskelege ting med både barn og føresette, seier Grindheim.
Annonse
Fagarbeidarar og assistentar har uttrykt ønske om fagleg påfyll.
— Me vil gjera litt ekstra for dei. Tema som blei tatt opp, er høgst aktuelle for dei som er så tett på barna, seier Grindheim.
Det var barnehage- og skuleeigar som arrangerte fagettermiddagen på Sandeid samfunnshus. Dette er noko dei vil prøve å arrangera annakvart år for denne arbeidsgruppa.
— Me ønskjer at fagarbeidarar og assistentar skal få fagleg påfyll, seier Grindheim.
