Lærepenge på sykkel

— Utan hjelm hadde eg nok ikkje sete her heime i dag, seier Gustav Løge Fosse og er glad for at det gjekk så godt som det gjorde då han kolliderte med ein bil som skulle kryssa sykkel- og gangvegen i Ølensvåg torsdag ettermiddag. Ifølgje politiet stod bilen i ro då samanstøyten skjedde.

Brot i nasen, ein del blåmerke i ansiktet og ein knekt sykkel er resultatet etter den uheldige sykkelturen, og syklisten fekk seg eit opphald på sjukehuset.

— Eg er litt øm og stiv i maska, og litt blå og lilla rundt auge og nase. Eg har vore inne ei natt til observasjon på sjukehuset i Haugesund der eg fekk ei fantastisk oppfølging, men nå er eg komen heim, fortel rektoren ved Lundeneset vidargåande skule og politikaren frå KrK.