Preses i Bispemøtet i Den norske kyrkja Olav Fykse Tveit, meiner enkelte brukar religiøs retorikk for å forsvare terror eller krigføring.
Foto: David Engmo / NTB / NPK
Kyrkjetopp ut mot misbruk av religion»
NPK-NTB – Nokon bruker religiøs retorikk for å forsvare Hamas» terror eller Israels krigføring. Det er misbruk av religion, seier preses i Den norske kyrkja, Olav Fykse Tveit.
Sidan 7. oktober er nærare 20.000 menneske drepne i Gaza, Israel og på den okkuperte Vestbreidda. Den norske kyrkjas leiande biskop, Olav Fykse Tveit, er opprørt over det høge talet på drap dei siste månadene.
– Vi kan ikkje venne oss til at tusenvis av barn og vaksne blir drepne og blir skadde, seier Fykse Tveit til nettstaden kirken.no
– Nokon brukar religiøs retorikk for å forsvare Hamas» terror eller Israels krigføring. Det gjer situasjonen endå farlegare. Dette er misbruk av religionane våre. Fredsbodskapen i Bibelen gjeld alle menneske, seier han.
Internasjonal direktør i Den norske kyrkja, Einar Tjelle, påpeikar at krigen også påverkar oss i Noreg.
– Norske jødar melder om aukande trakassering og antisemittisme. Andre melder om auka muslimhets. Det er totalt uakseptabelt, seier han.
