Kunne selt mykje meir

— Det går meir enn nokon gong. Det går mest ribbe, men også pinnekjøtet har auka. Før selde me mest pinnekjøt på Vestlandet, men nå sel me over heile landet. Det har tatt seg opp dei siste 15 til 20 åra, seier dagleg leiar ved Fatland slakteri Ølen, Svein Fatland.

Til saman 900 tonn pinnekjøt har funne vegen ut til kundar over heile landet denne hausten og berre i desember har det blitt frakta 40 tonn ribbe ut frå slakteriet i Ølen kvar einaste dag. Ribba skjer og pakkar dei ved anlegget i Ølen, medan pinnekjøtet blir laga ved slakterikonsernet sine avdelingar på Voss, Jæren og Oppdal.

I butikklokalet ved slakteriet i Ølen er det skålande tomt for både ribbe og pinnekjøt, og det står ikkje så mykje betre til ved dei andre avdelingane i slakterikonsernet.