Kravde svar frå Statnett

Totalt 25 personar, forutan representantane til departementet og Statnett, tok turen til kraftstasjonen. Kommunen var representert med sakshandsamar Erik Kvalheim og ordførar Mette Heidi Bergsvåg Ekrheim.

Saknar nytenking

Bakgrunnen for synfaringa er utbygginga av 420 kV-linje frå Blåfalli til Gismarvik, som vil gå gjennom Etne og Vindafjord. At NVE tilrår å bygge luftspenn var tydeleg ikkje populært blant dei frammøtte etnebuane og dei med fritidsbustadar i området.

— Me har vore tydelege på at me vil ha jord- og sjøkabel, sa Bergsvåg Ekrheim.

Det var gjennomgangstonen blant resten av dei som tok ordet også. Grethe Tesdal frå Forum for jord og sjøkabel utfordra Statnett på kvifor ein vil bygge luftspenn slik ein har gjort sidan 1900-talet og ikkje heller tenker nytt.

Ikkje undersøkt godt nok

For å gi folk eit inntrykk av korleis trassen kan bli, peikte Kvarven opp på kor den er planlagt å gå. Med eit kart i hand var han også innom nokre alternative forslag og forklarte rundt dei. Fleire ville ha svar på om det berre var pris som gjer Statnett skeptiske til jord- og sjøkabel.

— I tillegg til pris, vil ikkje sjøkabel god nok spenningkvalitet, sa Eika, og viste til at ein dårlegare spenningskvalitet vil gå utover forsyningssikkerheita, som er spesielt høgt prioritert i dette prosjektet grunna kunande som skal bruke straumen.

I respons blei ho utfordra på korleis ein då kan ha enda lengre kablar til utlandet. Ho svara at det er ein annan type kablar enn det som ville blitt brukt på dette prosjektet. Kablane ut av Noreg blei også eit tema då det blei snakk om kor straumen frå kraftutbygginga skulle gå. Statnett sine representantar understreka at dette ikkje skulle ende i ein utanlandskabel, men primært brukast på Haugalandet, sjølv om det er opning for å bidra til elektrifisering av norske oljeplattformar.

Ein av dei største kjepphestane til dei frammøtte var at dei meiner at ein ikkje har tatt nok innover seg konsekvensane av naturinngrepa med luftspenn. Særleg Åge Grindheim, som er ansvarleg for parkeringsplassen på Skarstøl, og Kvalheim, var kritiske til undersøkingane og konklusjonane i konsekvensutgreiing frå april 2020. Kvalheim meinte det var gjort metodiske feil, med at ein undersøkte litt og litt av eit stort område, og følgeleg ikkje tatt nok omsyn til betyding av eit inngrep på Strype.

— Her er det eit svært alvorleg inngrep. Dette er urørt natur, sa Kvalheim.

Han meinte at dei som skal gjere undersøkingar i området bør ha på seg GPS under undersøkingane, slik praksis er i dag. Etter diskusjonen ved kraftstasjonen gjekk ferda opp til Røde Kors-hytta på Hjørnås.

På onsdag hadde Olje- og energidepartementet eit folkemøte og kraftlinja i Ølen. Les meir om møtet her: