Kontrollerte forhold i Vindafjord

Sjølv om han ikkje har fått rapportar om spesielle problem, seier han at han såg med eigne auge mykje vatn på veg til jobb frå Nedre Vats til Ølen i dag.

— Bekkar ein elles knapt legg merke til, gjekk stive i dag, seier han.

Han meiner å ha forstått at det er dei indre delane av kommunen som kan bli sterkast ramma.

— Grautånå i Sandeid er alltid i tankane på slike dagar, men det ser ut til at tiltaka som er gjort der fungerer, seier han.

Elles er det Vikedal han har i tankane.

— Både oppe i dalen og nede langs elva gjennom sentrum kan det bli utfordringar, seier Vierdal.

Har du tips eller bilete om flaumen eller andre hendingar knytt til esktremvêret Jakob i Etne eller Vindafjord? Del gjerne ved å sende til tips@grannar.no.