Kongebesøket
Kongebesøk med variabelt vêr – og det er paraplyforbod!
— Det verste vêret kan fort koma med kongen, seier Kristin Seter, vakthavande meteorolog ved vêrvarslinga på vestlandet.
Kongebesøket
30. mai kjem kongeparet til Vindafjord
Du kan følgje besøket live på grannar.no
Tips oss om saker me bør skrive om i samband med den store dagen, og del dine bilde med lesarane:tips@grannar.no eller MMS 975 70 789
Foto: Jørgen Gomnæs / Det kongelige hoff
Les alt om kongebesøket her:
Om du har tenkt deg til Ølen for å møta kongen torsdag, kan det vera lurt å ta på seg jakke, då det er venta regnbyer med fare for torevêr. Den største torefaren er frå klokka 11 og utover. Og det vil bli varmt i lufta, då temperaturane kan stiga heilt opp til 20 grader på det varmaste.
— Omtrent frå klokka 11 kan det bli skikkeleg action, seier Seter.
Annonse
Variabel vêrmelding
Det vil bli ein dag med variabelt ver, fortel Seter vidare. Det kan bli lange periodar med opphald og sol, men regnbyene kan koma brått.
Les alt om kongebesøket her: Kongebesøket
Det er vanskeleg å seia nøyaktig når regnbyene kjem, men for dei som er mest opptatt av vêret kan ein følgja med på når regnet kjem på radaren på yr.no.
Annonse
Ikkje lov med paraply
Vindafjord kommune melder på heimesida si at det må ikkje nyttast paraply sjølv om det regnar under kongebesøket. Årsaka er at alle skal få god sikt til paviljongen der kongeparet sit, til scena og til storskjermane. Kommunen oppmodar difor alle til å kle seg etter vêret, slik at arrangementet blir ei god oppleving for alle som kjem.
— Viss ein er heldig blir det verken torevêr eller regn akkurat under kongebesøket, seier Seter.
Det er veldig vanskeleg å sei noko om når regnbyene kjem om sommaren, følgje Seter.
Men prognosane til no viser at det iallefall vil vera ein dag med variert vêr – regn, sol, torevêr og bris.
