Geir Arne Havreberg (f.v.), Beathe Hegerland, Frode Haaland, Jan Filip Jensen, bak Annika Tökés Krokå, Solfrid Lønning Haaland og Kenneth Karlsen gleda seg over Etne Kyokushin karate klubb sin innsats i Lørenskog.
Foto: Privat
Sport
Kom heim med fleire medaljar
Dei fem medaljane var fordelt mellom ulike års- og vektklassar. Annika Tökés Krokå tok gull i fight og sølv i kata i sine klassar, mens Beathe Hegerland vann gull i fight, Jan Filip Jensen tok bronse i fight og Kenneth Karlsen vann bronse i fight.
Etne Kyokushin karate klubb var også representert med Solfrid Haaland som deltok i kata og fight, og Frode Haaland i kata.
I tillegg stilte Geir Arne Havreberg som dommar og coach. Han stifta klubben i 1982 og har sett klubben sine utøvarar levere toppresultat gjennom fleire år.
Eksempelvis vann utøvarane eit gull og fire sølv under NM i Kyokushin fullkontakt karate i Bergen i 2022. Sonen til Geir Arne, Hans Kristian Havreberg, er for tida i Barcelona for å lade opp til VM i Nederland i november.
