Klart for basar

Fredag 28. oktober ønsker Frette Misjonsforeining velkommen til basar i Frette bedehus. Forkynna Guds ord i ei uroleg tid og innsamling til den Indre Sjømannsmisjon er det viktigaste med denne basaren. Midla går mellom anna til drift av båten Elieser 6, som kjem til Bjoa 7.-, Ølensvåg 8.-9.- og Fjæra 10. november.

Den nye kretssekretæren for Karmsund krets, 27 år gamle Svein Helge Bergfjord, held andakt og den pensjonerte krets-sekretæren Georg Kallevåg spelar og syng. I tillegg kjem Kari Nesse. Ho hjelpte til på Fjordkaféen på Bjellandsnes i 2005. Då budde ho i Hønsahuset» på Eintveit. Nesse vil fortelja litt frå den gong.

På basaren kan ein vinne fleire premiar. Hovudgevinst er ein akvarell av Elisabeth Litlehamar, som driv ein liten gardsbutikk på garden Litlehamar i Suldal. Dahl Rammeservice i Haugesund har fått måleriet i glas og ramme. Ein kan også vinne fruktkorg, bøker, fillerye, sengesett og mange andre premiar.