Klar for kongeleg feirinig

På bryggekanten ved naustet på Dreganes står hagebordet pynta til fest. Nysmurte kanapear, friske jordbær og sprudlande alkoholfri drikke i stetteglas har fått plass på bordet og på naustveggen heng norske flagg i lange remser. Det er klart for klubbkveld i Torsdagsklubben, men ikkje av den vanlege sorten. Denne kvelden har noko heilt spesielt på programmet.

— Me ventar i spenning på kongen og i dag er det generalprøve på kongefrukosten, seier damene og finn seg ein plass rundt bordet.

Som det høver seg når det skal øvast til storfint besøk gjeld det å stilla i rett antrekk. Sommarkjolen er henta fram frå skapet og håret er pynta på kongeleg vis med ein vakker tiara.