Klagar på turveg-vedtak

Haugesund Turistforening har framsatt ein klage mot Etne kommunes sitt vedtak om å gi dispensasjon for bygging av ein turveg/tursti frå Rus til kommunegrensa mot Olalia i Vindafjord.

Det går fram av eit brev Karl Andreas Knutsen har sendt på vegner av turistforeininga sin naturvernkomité til Etne kommunen.

Foreininga argumenterer med at vedtaket bryt med gjeldande lovgjeving og kan ha negative konsekvensar for naturmangfaldet og landskapet i området.

Juridiske Innvendingar

Det var 20. februar 2024 at Etne kommunestyre fatta vedtak om å gi dispensasjon frå LNF-formålet i kommuneplanens arealdel for bygging av ein turveg/tursti mellom Rus i Etne og kommunegrensa til Vindafjord mot Olalia, med heimel i plan- og bygningsloven.

Haugesund Turistforening skriv i ei klage at slike dispensasjonar bør vere unntak og ikkje kan nyttast i denne samanhengen. Dei viser til rundskriv frå statsforvalteren som understrekar at vesentlege planforutsetningar ikkje må fråvikast.

Naturmangfald

Foreininga peikar vidare på at den planlagde turvegen vil ha negative konsekvensar for naturmangfaldet og landskapet. Spesielt vert det vist til områdets status som svært viktig i Miljødirektoratets klassifisering og potensiell skade på myrområder. Det vert også hevda at tiltaket vil føre til nedbygging av natur i sårbart område, auka motorisert ferdsel, og negative konsekvensar for trua artar, som til dømes fuglen heilo.

Foreininga kritiserer også det dei ser som mangelfull utredning rundt prosjektet, særleg når det gjeld effekter på flora, fauna og myrområder. Vidare fryktar dei at prosjektet vil føre til økt motorisert ferdsel og tap av urørt natur, noko som strir mot både nasjonale og internasjonale forpliktelser Norge har teke på seg gjennom Naturavtalen, heiter det i klagen.