Karrierekvelden blei stor suksess
Vera Gjerde og Inger Constanse Eidhammer Lunde samla fullt hus då dei arrangerte karrierekveld på Sjøperlo. Studentar og lærlingar fekk møte 11 ulike bedrifter, høyre korte presentasjonar og snakke direkte med representantar frå næringslivet.
Tysdag kveld fekk studentar og læringar høve til å få eit innblikk i fleire ulike arbeidsplassar i Vindafjord kommune. Det var mogleg for deltakarane å snakke med dei ulike bedriftene på stands. I tillegg fekk kvar bedrift to minuttar til å presentere seg sjølv og overbevise publikum om å velje akkurat dei.
Vera Gjerde frå Vikedal og Inger Constanse Eidhammer Lunde frå Etne, har arbeidd hardt for å kunne realisere karrierekvelden. Jentene var imøtekommande og tok godt i mot dei som møtte opp. Informasjonen var klar og tydeleg og deltakarane høyrde etter når jentene prata. Det var stappfullt ved stand-området, noko som tydar på eit godt oppmøte.
— Me er stolte over det me har fått til og håpar på at dette kan bli eit årleg arrangement, seier Inger Constanse.
