I påsken ønskjer Alf Warloe Christophersen i House of Blues velkommen til fleire konsertar.Arkivfoto
Kan spøka for musikkfestivalane
Både Kristin Hafstad Stokka i Vikedal rootsfestival og Alf Warloe Christophersen i Skånevik bluesfestival håpar på fysiske festivalar, men er fullstendig klar over at det kan bli vanskeleg å gjennomføra.
Det var nok få som i fjor trudde at musikkfestivalane også i år skulle stå i fare, men slik er altså realitetane. For mens koronaviruset har blitt eit mareritt ingen nokon sinne kjem til å gløyma, går truleg samfunnet inn i sitt andre år med avlyste sommarfestivalar.
I alle fall ser det ut til å spøka for dei tradisjonelle festivalane, når ein lyttar til regjeringa si gjenopningsplan i fire trinn.
— Skånevik bluesfestival har valt å venta med å ta endelege avgjerder til me kjem godt ut i mai . Då får me høyra kor langt regjeringa er komen i gjenopningsplanen, men eg reknar ikkje med at me har kome så langt at kravet om éin meters avstand er fjerna. Så lenge det er slik, blir det vanskeleg for oss å arrangera ein tradisjonell bluesfestival, seier Alf Warloe Chrisophersen.
