Kan gjera deg meir utsett for alzheimer

Mange nyt moderate mengder alkohol og tenkjer at det er ufarleg, – det er dei store mengdene som er skadelege for ulike kognitive funksjonar. No viser ei forskingsgruppe frå Universitetet i Oxford at det ikkje berre er alkoholikarar som risikerer dårlegare hjernehelse, skriv forsking.no.

Forskarar har lenge vore klare over samanhengen mellom stort alkoholinntak og høge jernnivå i hjernen som kan føre til ulike nevrodegenerative sjukdommar som Parkinsons sjukdom og alzheimer. Men slike skadar har vore knytte til alkoholisme.

I ein studie av 21.000 personar, med gjennomsnittsalder på 55 år, fann forskarane samanheng mellom moderat alkoholkonsum og ei høgare mengd jern i hjernen.