Jul og nytt hageland under venga

Det var ikkje mykje jule-stemning å spore utandørs i det våte gråvêret tysdag denne veka, men då ein trødde inn under drivhus-taket i julebutikken til Ebnes hagesenter i Ølen endra atmosfæren seg tydeleg og med éin gong. Her bogna det av kransar, grantre, lys, nissar, juletre-pynt, blomar i varme fargar og mykje meir.

Hovudattraksjonen i utstillinga var kanskje den gedigne julebyen, som dei tilsette på hagesenteret har gjort seg stor flid med. Ein kunne kjøpe med seg eit lite eller større stykke av slike dekorative figurar og effektar, til å sette opp og lage i stand heime, og dette skal vere eit populært produkt i sortimentet til hagesenteret. Her er ikkje berre det botaniske den einaste kategorien, altså, langt derifrå.

— Folk har fått veldig sansen for juleby, ja, mange synest at det er stor stas, seier Anne Sofie Handeland, butikksjef ved Ebnes hagesenter.