Det har vore jamn straum også til kyrkjevalet. Arnold Solheim, Liv Sørheim og Astrid Fagerjord Harboe representerer soknerådet i Etne og har kontroll på registrering.
FOTO: Grethe Hopland Ravn
Jamn straum også til kyrkjevalet
Det er ikkje berre kommuneval og fylkestingsval ein kan vera med å stemme på, og i røystelokala på Skakke finn ein også valurna til kyrkjevalet 2023. Så langt har det vore ein jamn straum også her.
Ved valurna til kyrkjevalet i Etne sit Arnold Solheim, Liv Sørheim og Astrid Harboe frå soknerådet i Etne. Dei har nettopp hatt vaktskifte, og er klare for å hjelpa folk med å stemme til kyrkjevalet 2023. Elisabeth Vae Haaland som nettopp er ferdig med skiftet kan opplysa at tilsiget av folk som vil stemme ved kyrkjevalet har gjennom heile dagen vore jamt, sjølv om mange har nytta seg av digital stemmegiving som er nytt av året.
Første gong digitalt
På landsbasis er det i følgje Den norske kyrkja meir enn 91.000 personar som har førehandsstemt digitalt i Kyrkjevalet, og fleire har også førehandsstemt manuelt på gamlemåten.
