Herman Westerman står i spissen for årets Sommarmarknad på Bjoa.
Foto: Irene Mæland Haraldsen
Inviterer til sommarmarknad
Laurdag er det duka for Sommarmarknad på Bjoa. Denne gong med initiativtakar Herman Westerman og tre andre sambygdingar i spissen.
— Dette er tredje gong med Sommarmarknad på Bjoa. Bjoa Sanitetsforening har arrangert marknaden to år tidlegare, men i år hadde dei ikkje tid. Då eg forstod at det ikkje blei marknad fekk eg med meg tre personar i komiteen og me starta planlegging i mars, seier Herman Westerman som laurdag inviterer til Sommarmarknad på Helsehuset Kløvertunet på Bjoa saman med Kathrina Håvarstein, Line Andersen og Helena Hansmann.
Så langt har 14 utstillarar meldt sin interesse, og dersom vêret slår til slik det er meldt vil det bli boder både innandørs og ute i hagen.
— Blir det dårleg vêr må me prøva å pressa alle inne, men ved fint vêr blir me ute også, seier han.
