Ølen omsorgssenter.
ARKIVFOTO: SVEIN-ERIK LARSEN
Inviterer til sjukeheimsmøte
Kommunestyret har vedteke at ein skal sjå på samanslåing av institusjonsdrifta i Vindafjord. No arrangerer dei informasjonsmøte for bebuarar, pasientar og næraste pårørande på Vindafjordtunet i Vats og Ølen Omsorgssenter.
— Dette kan påverke fleire tenester innan pleie og omsorg, skriv Vindafjord kommune om samanslåing institusjonsdrift på si nettside.
Styringsgruppe
Vindafjord har i dag to sjukeheimar, Ølen Omsorgssenter og Vindafjordtunet i Vats. I budsjettet for 2025 vedtok kommunestyret å bruke 1,5 millionar kroner på å kartleggje og potensielt planleggje å legge om til ein sjukeheim. Grunna kapasitet er Vindafjordtunet det mest aktuelle.
