Inviterer til lunsj om framtidsutsikter

Sjeføkonom Kyrre M. Knudsen i SpareBank 1 Sør-Norge skal leggja fram hovudfunn frå barometeret, medan Arvid Berge frå SpareBank 1 Markets gir ein status på rente- og valutamarknaden. Banksjef Anders Sørheim Hundseid tek pulsen på det lokale næringslivet.

I ei pressemelding viser arrangørane til at USAs president Donald Trump har endra spelereglane i verdshandelen. Dette forklarar dei med at auka tollsatsar fører til stor uvisse og store svingingar i finansmarknadene.

— Det er uvisse om vegen vidare, og vårt ferske konjunkturbarometer gir innsikt i korleis bedriftene vert påverka av tollkrigen, skriv arrangørane.

På møtet vil dei ta pulsen på næringslivet og forventningane i viktige bransjar, og sjå nærare på sentrale spørsmål:

• Kjem oljeprisfallet til å leggja ein dempar på oppturen i energibransjen?
• Vil uroa forlenga nedturen for bygg og anlegg?
• Vil Rogaland framleis sitja øvst på den grøne greina?

Arrangementet finn stad i Medvind Næringshage i Ølensvåg, med lunsjservering. Det er gratis å delta, men ein må melda seg på i forkant.