Inviterer til byggekonkurranse

Bibliotekarane på både Etne og Vindafjord bibliotek ser fram til perioden 14. – 17. november. Då går Bibliobattle22 av stabelen. I år er begge biblioteka med og konkurrerer om premiar på både fylke- og nasjonalt nivå. I år er tema for byggekonkurransen litteratur», spel og film» og bibliotek».

Byggekonkurransen passar for alle aldrar, og ein kan danne lag på inntil fire personar. Så her kan ein spele solo, med gjengen eller som eit familielag. Ein kan vere med på Bibliobattle22 heimanfrå. Å spele Minecraft utfordrar blant anna evna til å løyse problem, samarbeide, kommunisere og til å tenkje kritisk, og me har tidlegare sett mange døme på ei utruleg kreativitet når det kjem til å byggje i Minecraft.

På måndag 14. november kjem Gregor på besøk til Vindafjord bibliotek og tysdag er han i Etne bibliotek. Han tek med seg massevis av LEGO, og vil vera til stades for å rettleia under konkurransen. Til slutt vil han kåra det mest imponerande byggverket som vinn ein premie frå biblioteka. Det vert ein avslutta konkurranse for kvart bibliotek. Tema for byggekonkurransane vil vera samanfallande med Minecraft-konkurransen Bibliobattles 22. Det er fullt mogleg å delta i begge byggekonkurransane, og her er ingen nedre eller øvre aldersgrense, men barn under 7 år må vere i fylgje av ein vaksen. Det er gratis å vera med, og biblioteka ønskjer velkommen.