Ingen grenser for mekling av maskiner
To ingeniørar hadde lyst til å finne på noko, og etter to år har hobbyen blitt til ei omsetning på 78 millionar kroner. Dert handlar om formidling av traktorar, gravemaskiner og lastebilar.
Dei fleste har sett hæren av traktorar på den tidlegare HSD-tomta ved europavegen i Ølen sentrum, og som i det nye året er flytta litt lenger vest tvers over gata ved Ølen kyrkje der Hundhammer Transport sine vogntog dominerte synsinntrykket tidlegare.
— Nokon har sagt at vi er Vindafjord sin største attraksjon med tanke på alle som er og ser på traktorane og maskinene vi stiller ut, seier Aleksander Stople (32), den eine av radarparet som starta Norsk Maskinformidling AS.
Den andre eigaren er Kristoffer K. Bjelland (37), og dei karakteriserer seg som litt kremmartypar som likar kjøp og sal.
