Asgeir Berge og Ingemund Berge er far og son. Asgeir har budd nesten 40 år i Amerika, mens Ingemund har budd nesten heile livet sitt i Etne. Men røtene er sterke - det same er bandet mellom far og son.
Grethe Hopland Ravn
Ny podkastepisode:
Ingemund og Asgeir – frå Etne og Amerika
Grannarpodden er tilbake med ein julespesial, der ein får bli litt betre kjent med far og son, Ingemund (87) og Asgeir Berge (60). Ingemund har budd i Etne nesten heile livet, mens Asgeir tidleg kjende på utferdstrong – noko som førte han til Amerika i 1987.
I årets juleepisode av Grannarpodden møtest to
livshistorier som tar utgangspunkt i same familie og same bygd, men som har
fått svært ulike retningar. Ingemund Berge, fødd i 1938 og oppvaksen på Auastad
i Sørbygda, representerer kontinuiteten i bygda. Eit langt liv med arbeid,
politisk engasjement, friluftsliv og sterk tilknyting til Etnefjella har sett
tydelege spor.
I studio deler Ingemund erfaringar frå eit liv der
sauehald, bygningsarbeid og lokalpolitikk har gått hand i hand. Kjærleiken til
fjellet kjem tydeleg fram, og han fortel om eit liv fylt av turar, skirenn og naturopplevingar.
Frå Etne til California
