— Imsland har ei unik plassering med tanke på etablerings-moglegheiter

— Kva er din favoritthobby?
— Det må vera mekking i garasjen og fisking.

— Kor reiser du helst på ferie?
— Det har ein tendens til å bli eit varmare strøk, med sol og bading.

— Kva er det beste med bygda du bur i?
— Samhald, på tvers av alder. Eller kanskje den flotte naturen, med fjord og fjell.

— Kva saknar du i bygda di?
— Me har stort sett det me treng, men om ei næringsverksemd hadde ynskt å etablera seg, hadde det vore positivt. Imsland har ei unik plassering med tanke på etableringsmoglegheiter. Innanfor 30–40 minutt når me ut til kundar i Vindafjord, Sauda, Suldal og Etne. Kanskje eit biogass-anlegg kunne vore noko.

— Kva er ditt favorittmåltid?
— Sommarstid – utan tvil skaldyr.

— Kva gler og kva irriterer deg mest?
— Gode kollegaer på jobb og hyggelege kundar gler meg.
Folk som utnyttar systemet, irriterer meg.

— Dersom du hadde politisk makt, kva ville du ha kjempa for?
— Mindre skjermtid blant barn og unge.

— Kva gjer du når du skal unna deg noko ekstra?
— Det må vera skaldyraftan med gode vener.

— Kva er ditt beste barndomsminne?
— Boltring heime på garden, med traktorar og maskiner. Ein trong ikkje vera 16 år for å køyra traktor på den tida. 🙂

— Kven ser du mest opp til?
— Faren min, Emil Haugland. Han har kunnskap om allslags, og har lært meg mykje opp gjennom åra.