Etnemarknaden
I gang med marknaden
Fredag opna Etnemarknaden i strålande sol. Fleire frivillige ser lyst på utsiktene etter dei første timane.
— Det var mange bilar borte på parkeringa og det ser ut som det er mykje folk inne, seier Kåre Haugen, som stod vakt på opningsdagen.
Astrid Trå Sørheim står vakt i ein av inngangsbodane. Ho synest det er kjempekjekt med marknad og at det skjer noko i bygda, men skulle ønske at dei fekk enda fleire ungdommar med på dugnad.
Annonse
Kasta seg rundt
Tysdag fekk leiinga i Etnemarknaden beskjed om at det ikkje blir strikkhopp på årets marknad. Etter denne beskjeden har leiinga snudd seg rundt for å finne moglegheiter til å tette hòlet. Fredag var blant anna stunt-madrass, hengestang, lasertag og gladiatorleik på plass i ein raskt utvikla aktivitetspark.
— Å snu om skapte litt ekstra arbeid, men folk har verkeleg stilt opp, seier Erling Bjarte Rullestad, som har ansvaret for aktivitetsparken.
Tysdag gjekk dei ut og etterlyste rundt 20 ekstra vaktar for å få planane i parken til å gå opp. Rullestad fortel at det hjelpte å appellere for å fleire frivillige. Eit par timar etter opninga synest han det ser veldig lovande ut og har tru på gode tal i parken på opningsparken. Han er godt fornøgd med kva dei har klart å få til.
Annonse
— Me har eit breitt og solid program både i parken og elles på marknaden, seier Rullestad.
