Hundrevis i Sjoargata
Laurdag tok hundrevis turen til Sjoargata i Ølen for å få med seg den årlege Sjoardagen, arrangert av Handel i Ølen. Langs gata var det liv og røre frå morgon til ettermiddag, med biltreff, barneløp, tryllekunst og buktaling, og ikkje minst haugevis av aktivitetar for dei yngre. – Det er veldig kjekt å sjå at folk kjem med bilane sine, det er det me likar, sa Ståle Eskeland.
Dagen starta med det tradisjonelle barneløpet gjennom Sjoargata. Rundt 70–80 ungar stilte til start, og spurta alt dei kunne frå start til mål. Publikum langs løypa heia dei fram og i målområdet venta både juice, bollar og applaus frå foreldre og frammøtte.
Fire av deltakarane var Håkon Hundhammer (8), Jonas Hundhammer (8), William Gusdal (9) og Harald Hundhammer (11). Dei fortalde at det var kjekt å springe om kapp, og at dei såg fram til resten av dagen.
– Eg har ikkje trent til løpet, sa Håkon (8).
