Tidlegare Kvelartak-vokalist, Erlend Hjelvik frå Vikedal, er no ute med ny musikk frå eige band.
Foto: Shelby Hjelvik
Hjelvik ute med ny singel
Synkverving, er tittelen på den nye låta til HJELVIK.
Fredag sleppte solobandet til Erlend Hjelvik, med namnet HJELVIK, ein ny singel og musikkvideo til låta Synkverving. Singelen viser Hjelvik frå ei tyngre side med element av både doom, thrash, black metal og folketonar, heiter det i pressemeldinga.
Gjestevokalist
Denne gongen har Hjelvik også fått med seg Lars Are Nedland på orgel og gjestevokal. Synkverving blei spelt inn då bandet tok opp det kritikarroste debutalbumet Welcome to Hel i 2019. Dette blir sleppt med ein heilt ny miks og master av Endre Kirkesola.
