Slik ser Renevo for seg plasseringa av sitt nye biogassanlegg på Tongane. Tomta kjøper dei av Oddvar Flatebø.ILLUSTRASJON: RENEVO
Her kjem biogassanlegget
Renevo AS vil bygge det nye biogassanlegget sitt på industriområdet Tongane, like ved Etne sentrum. Det kom fram under eit folkemøte torsdag kveld.
— Vi er ferdig forhandla med Flatebø (Oddvar Magne Flatebø eig området, red. merknad), sa dagleg leiar Jan Kåre Pedersen i Renevo under eit folkemøte på Skakke i Etne torsdag kveld.
Der presenterte han planen for fabrikken selskapet vil investere 200 millionar kroner for å få realisert, og som vil kunne gi bygda 20-30 nye arbeidsplassar.
Nøyaktig lokalisering er eit av spørsmåla som ikkje var offentleg kjend før folkemøtet, men no er det altså klart at Tongane, kor det frå før er mykje industri og næring, truleg vil få ei ny aktør.
