Her kan det bli bygging og fleire arbeidsplassar

— Bygginga av eit nytt smoltanlegg kan absolutt bli løfta opp igjen i konsernstyret, seier utviklingsdirektør Simon Nesse Økland i Bremnes Seashore.

Han understrekar at det førebels ikkje er noko nytt om prosjektet i Trovåg i Vikebygd, som blei lagt på is i 2022. Den gongen var det budsjettert til 700 millionar kroner. Økland fortel at dei ikkje har noko anslag på kva det vil koste å gjennomføre det no, sidan det vil avhenge av omfang og teknologival.

Kor lang tid det vil ta frå konsernstyret eventuelt vedtar å ta opp igjen prosjektet til byggestart, er vanskeleg å seie ifølgje utviklingsdirektøren. Han forklarar at det kjem an på faktorar som ledig kapasitet, framdriftsplan og teknologiløysingar.