— Her er flotte menneske som støttar og inspirerer meg

— — Eg elskar å lese for å utvikle meg, gå turar for å halde kroppen i form, meditere for å pleie sjela, og reise for å oppleve nye kulturar, samle minner og hente inspirasjon frå spanande opplevingar.

— Kor reiser du helst på ferie?
— Eg elskar å reise til Hellas – kanskje fordi eg har hatt ei forkjærleik for gresk kultur og mytologi heilt sidan eg var lita.

— Kva er det beste med bygda du bur i?
— Her er fantastisk natur som gir meg energi. Her er òg flotte menneske som støttar og inspirerer meg. Det finst eit rikt kulturliv for alle aldrar, som skaper glede, gode stunder og sosialt samvær.

— Kva saknar du i bygda di?
— Eit breiare og meir variert idrettstilbod for barn og unge. Det kunne òg gjerne vore dansetimar for vaksne.

— Kva er favorittmåltidet ditt?
— Eg elskar ukrainsk borsjtsj og norske bollar. Det er mitt vesle stykke lykke i kvardagen.

— Kva gler deg, og kva irriterer deg?
— Eg er veldig glad i menneske og elskar å snakke med andre. Eg blir glad når eg kan hjelpe nokon. Eg kan bli lei meg når det manglar respekt mellom menneske. Eg blir irritert når folk kjem veldig seint til avtalar, eller når dei ikkje brukar blinklys når dei køyrer bil.

— Dersom du hadde politisk makt, kva ville du kjempa for?
— Eg ville jobba for miljøet og berekraftige løysingar. Eg ville òg arbeida for varm mat i skular og barnehagar.

— Kva gjer du når du skal unna deg noko ekstra?
— Kvar fredag har me ein tradisjon med å bestille ein stor pizza eller sushi. Saman med ein god film blir det alltid ei koseleg og perfekt avslutning på veka.

— Kva er ditt beste barndomsminne?
— Mitt beste barndomsminne er sommarferiar med familien, fulle av leik og latter. Mamma og bestemor laga deilige rettar, me las saman, fortalde morosame historier og song, medan pappa spelte gitar.

— Kven ser du mest opp til?
— Dette er ein person som for meg er som ein god engel. Eg møtte henne då eg starta praksis, og seinare på jobben. Eg kunne ikkje snakke norsk så godt og var sjenert. Ho viste meg ei fantastisk verd og trudde på meg. Denne perioden var fylt med ny kunnskap, flotte bekjentskap og ei god arbeidsatmosfære. Med stor takksemd og kjærleik til Liv J. S.