Slik ser reknestykka Statnett har levert til NVE ut. Grannar har fått tlsendt ein sladda versjon frå NVE, fordi både Statnett og NVE ønskjer å halde detaljar i reknestykka hemmelege.FAKSMILIE AV DOKUMENT
Hemmelege reknestykke med få utgiftspostar
Tolv punkt med samlekostnadar. Det ser ut til å vere heile det hemmelege grunnlaget Statnett har sendt til NVE som forklaring på kvifor det kostar mellom 3 og 5 milliardar kroner meir å legge sjøkabel, i staden luftleidningar som vil bety store naturinngrep på Haugalandet. Dei som slåss for sjøkabel er ikkje imponert.
Grannar har tidlegare omtalt at Statnett har rekna seg fram til at det kan bli inntil 5,3 milliardar kroner dyrare å leggje sjøkabel frå Blåfalli i Kvinnherad til Gismarvik i Tysvær, framfor å bygge høgspentlinjer gjennom naturen i Kvinnherad, Etne, Vindafjord og Tysvær.
Fekk delvis innsyn
Sjølve talgrunnlaget har korkje Statnett eller NVE ville vise fram. Grannar har kravd innsyn i grunnlaget hos NVE, men innsynskravet vart avvist fullt og heilt. Dei ville halde desse opplysningane hemmelege, fordi dei meiner at det er snakk om drifts- og forretningsforhold som av omsyn til konkurranse ikkje toler dagens lys. NVE legg også til grunn at ei offentleggjeringa av tala vil kunne skade Statnett sin forhandlingsposisjon.
