Jorunn Halsnes har vore med på å arrangera mange ulike tilstelningar i både Ølensvåg og Etne.
Foto: Ragnhild Kristine Løkken
Grannarblomen
– Heilt uunnverleg for bygda
Jorunn Halsnes bidreg stort til at ungdommane i Ølensvåg har ein plass å vera. Denne veka fekk ho Grannarblomen, for hennar engasjement.
Jorunn Halsnes bur i Ølensvåg og er ein ivrig arrangør av sosiale samankomstar og aktivitetar for både born og vaksne. I tipset til Grannar blir ho omtala som eit fantastisk ja-menneske, heilt uunnverleg for bygda.
– Ho er mammaen som alltid inviterer alle elevane i klassen til ungane heim, anten til klassefest, selskap, spelekveld eller grillkveld, fortel innsendaren.
Som regel er det ho sjølv som lagar til Grannarblomen. Jorunn driv nemleg blomebutikken på Etne senter, og steller blant anna i stand flotte bukettar kvar dag.
