Haustsjakk for alle

Onsdag 12. oktober og onsdag 9. november vert det på ettermiddagen arrangert uhøgtidleg sjakkturnering på Vindafjord bibliotek. Haustsjakk passar for alle, uansett nivå og alder. Ivbjørn Nimki frå Rogaland skulesjakkutval vil vere til stades for å rettleia undervegs. Det blir enkel servering og premieutdeling. Ein treng ikkje å vera med begge datoane om ein melder seg på. —Me har lyst til å byggja opp eit sjakkmiljø på biblioteket. Er du interessert i å vere med på dette, så må du gjerne ta turen innom. Me håpar at mange tek utfordringa og blir med på haustsjakk. Velkomen til ein spennande dag på biblioteket, seier biblioteksjef Silje Holden Birkeland.