F.v: Kommunedirektør Filippo Ballarin, Linda Bøthun (H), Kenneth Karlsen (Frp) og Åge Madsgård (Frp) i formannskapssalen. No har Linda Bøthun søkt om fritak
fritakFOTO: Grethe Hopland Ravn
Har søkt fritak frå politiske verv
Linda Bøthun (H) har søkt om, og fått tilrådd fritak frå alle verva sine politiske i Etne kommune.
Kommunedirektør Filippo Ballarin sitt framlegg til vedtak inneber at Bøthun får fritak frå verva sine frå og med 17. september 2024 og ut perioden 2023-2027. Saka skal opp til behandling i kommunestyret Etne tysdag 17. september.
Endra arbeidssituasjon
I søknaden sin, sendt i ein e-post 11. september 2024, viser Bøthun til 7-9 kommunelova, som regulerer fritak og uttreden frå politiske verv. Ho forklarar at arbeidssituasjonen hennar har endra seg vesentleg sidan ho takka ja til å stille til val for Høgre i januar 2023. På den tida jobba ho med å byggja opp bedrifta si med utgangspunkt i Skånevik, men det har vist seg å vera lite hensiktsmessig. Frå hausten 2024 opnar ho kontor i Haugesund, og ho kjem òg til å arbeida i Follo, Ski i fleire periodar. Bøthun meiner dette gjer det vanskeleg å ivareta verva på ein tilfredsstillande måte, og søkjer derfor om varig fritak.
