Har endeleg nådd Nordkapp
Tysdag 5. august var dagen Vetle og Erik såg føre seg å kunne ta i globusen på Nordkapp. No er dagen her og dei har endeleg nådd målet. Gutane starta den lange turen med å ta i fyret på Lindesnes måndag 21. april. Derifrå gjekk turen vidare mot nord. No har dei vandra gjennom all slags vêr og sett mykje fin natur. Dei har gått 64.272 høgdemeter, fortel Vetle.
— Det er rart å tenkje på at det snart er over. Det skal bli godt å vera ferdig, men samtidig kjem me til å sakna det. Dei gode dagane har trumfa dei dårlege, fortel Vetle eit par dagar før dei når målet.
Den omfattande turen, Noreg på langs, har ei lengd på 2.658 kilometer til fots, med packraft og på ski. No er gutane glade for å vera framme.
