Håpar på 10.000 besøkande

— Me har budsjettert med 10.000 besøkjande og kryssar fingrane for godt besøk, seier marknadsleiar Vidar Lund og håpar store og små vil finna vegen til Etne og marknadsområdet ved Skakke til helga.

Årets Etnemarknad byr på noko for ein kvar smak, enten ein ønskjer å stilla svolten, sjå marknadsområdet frå lufta, fylla handlekorgaga med handverksprodukt, prøva seg som sirkusartist eller sjekka ut det siste innan landbruksutstyr. For bilinteresserte marknadsgjester blir det høve til å sjå nevenyttige bilreparatørar forvandla ein godt brukt køyredoning til ein startklar bilcross-bil eller berre nyta synet av blankpolerte veteranbilar, og for alle som er interessert i kva som rører seg av smått og stort i lokalsamfunnet er kveldsdrøsen med Alf Østrem eller ein part med politikarane eit godt alternativ.

— Det blir stort sett som tidlegare, men me har også ein del nytt, seier Lund.