Hans Nielsen Hauge på frukost på Åkrafjordtunet

Frukost ved fjorden» på Åkrafjordtunet er komen godt i gong med sesong 11.

Hans Nielsen Hauge (1771 – 1824) var ein kristen lekpredikant og industrigründer. Den største gründeren, nokosinne i landet vårt. Men akk så lite kjend. Han grunnla rundt 30 produksjons-verksemder rundt om i Noreg.

Den norske stat og presteskapet forfølgde han, og braut ned helsa hans ved stadig å fengsla han for brot på Konventikkel-plakaten. Denne sa at det var berre det offisielle presteskapet som hadde lov å reisa rundt forkynna Guds ord. Utan soknepresten si godkjenning var det ulovleg for lekfolk å halda gudelege forsamlingar (Konventiklar).

Arvid Otto Mørch har laga ein flott éinaktar» der han framstiller Hans Nielsen Hauge og ein del av hans livssoge. Ein litt utvida framsyning i høve til den særs vellukka framsyninga han hadde for fleire år sidan.

Saman med ein utsøkt frukost-buffé, bør dette kunne bli eit høgdepunkt komande onsdag på Åkrafjordtunet.