Leiar Rune Halbrend i Ølen Grendautval (f.v.) har signert ein merknad om planane om å byggje eit biogassanlegg på Nerheim på vegner av grendautvalet. Her er han med Tor Martin Heggebø då Norges Miljøvernforbund kom for å sjå på forholda i mai.
ARKIVFOTO: SVEIN-ERIK LARSEN
Energi
Grendautval seier nei til biogassplanar
— Ølen Grendautval meiner at plassering av biogassanlegg på Nerheim Næringsområde er uheldig og i strid med både gjeldande reguleringsplan og kommunens langsiktige mål for utvikling av Ølen, står det i merknaden frå grendautvalet signert leiar Rune Halbrend 16. november.
Biovind AS planlegg å byggje eit biogassanlegg på Nerheim Næringsområde. Merknaden frå grendautvalet kjem etter varselet frå Arkipelet AS 23. oktober om oppstart av planarbeid for etablering av anlegget. I tillegg har grendautvalet sendt kopi til Statsforvaltaren i Rogaland og Vindafjord kommune. Dei ber om at:
- Alternative lokasjonar utanfor tettstad og bustadområde blir vurdert på nytt
- Tidlegare føringar om å halde tung industri åtskilt frå lettare næring vert oppretthaldne
- Erfaringar frå eksisterande biogassanlegg blir lagt til grunn i den vidare behandlinga
- Verknader for bustadverdi, etableringsvilje, omdømme og helse vert grundig utgreidde før vidare vedtak
