Gler seg til å visa fram kva dei har øvd på

På scenen i Skjold bygdehus er det full gjennomgang av teaterstykket Då nissen reiste på ferie i desember», og dei 50 barna har fått god dreis på både replikkar og songane som skal framførast søndag 1. desember.

— Det er kjempekjekt å vera med på eit slikt teaterstykke, og så er det så kjekt når me får store roller og eigne replikkar, seier 4. klassingen, Mira Tjelmeland Hustoft.

Ho er sjølvaste nissefar i teateroppsettinga, og saman med nissekona (Irene Sørhus) reiser ho til Syden. Sidan alle nissebarna er bortreiste for å læra seg korleis dei skal bli flinke i å både sy, mala, snikra og pakking av julegåver, er det heller ingen som tipsar dei om at det kan vera lurt å vera heime i god tid før jul.