Hovudpersonane under innsetjinga i Ølen kyrkje, frå venstre Prost Rune Steensnæs Engedal i Haugaland prosti, ny sokneprest Åse Selsvold og kateket Britt Karstensen
FOTO: STEINAR SKARTLAND
Gler seg til å ta fatt
Åse Selsvold (53) blei søndag innsett som sokneprest i Ølen og Bjoa sokn. Det var prost Rune Steensnæs Engedal og kateket Britt Karstensen som stod for det seremonielle, og Selsvold sjølv hadde innsetjingspreika.
Selsvold kjem frå stillinga som sokneprest i Husnes og Holmedal sokn i Kvinnherad. Ho seier at dei tilsette og vikarprest Sigfred Sørensen har gjort ein god jobb i åra utan fast prest i Ølen og Bjoa.
— Eg ser inga grunn til å finna opp krutet på nytt, men alle er me ulike og det kan vera noko eg ynskjer å gjera meir på min måte, seier ho.
Ho skiftar no både prosti og bispedømme, men miljøet er ikkje større enn at ho kjenner fleire ho no skal samarbeida med. Dessutan har ho vore i same prosti som Kari Vik Stuhaug i Etne.
