Gler seg over kvar dag

Alvseike er utdanna biolog og før han pensjonerte seg underviste han biologi og naturfag på Ølen vidaregåande skule. 72-åringen har vore bygdemenneske heile livet og har nå laga ei bok kor han ønskjer å visa fram mangfaldet i Vindafjord. Det er ei fotobok med korte faktatekstar om dei ni bygdene i kommunen. Han visar fram kultur, flora, fauna, friluftsliv og næringsliv med bileta.

— Det er meint som ei gåvebok for bedrifter og privatpersonar, fortel Alvseike.

Tekstane er på norsk og engelsk så den passar òg til reiseliv. Sjølv om han har mykje fritid som pensjonist har han mange hobbyar som opptek han og trivest godt når han får vera saman med familie og gode vener.